මීගමුව, කඳිරාන ප්රදේශයේ පෙරේදා (17) දිනයේදී සැකකටයුතු පුද්ගලයන් දෙදෙනෙක්ව පොලිසිය විසින් පරික්ෂාවට ලක් කිරීමට යාමේදී එහි සිටි එක් සැකකරුවෙක් විසින් පොලිස් නිලධාරියෙක්ට පිහියකින් ඇණ තුවාල කර ඇති අතර පසුව ඔවුන් දෙදෙනා පලාගොස් තිබෙනවා.
එලෙස පොලිස් නිලධාරීන්ට තුවාල කර පලාගිය සැකකරුවන් දෙදෙනා අත්අඩංගුවට ගැනීම සඳහා මීගමුව කොට්ඨාස අපරාධ විමර්ශනය කාර්යාංශයේ නිලධාරීන් විසින් විමර්ශනයක් ආරම්භ කර තිබු අතර ඔවුන්ට ඊයේ (19) දහවල් කාලයේදී ලද තොරතුරක් මත පොලිස් නිලධාරියාට තුවාල කළ සැකකරු අත්අඩංගුවට ගෙන ඇති අතර ඔහු සන්තකයේ තිබී අත්අඩංගුවට පත්වන අවස්ථාවේ හෙරොයින් ග්රෑම් 103ක් සොයාගත් බව පොලිසිය පවසනවා.
එමෙන්ම එදින පළාගිය අනෙක් සකකරුවද අත්අඩංගුවට ගැනීමට පොලිසිය සමත් වී අතර ඔහු සන්තකයේ අයිස් කිලෝ ග්රෑම් 01 යි ග්රෑම් 15 ක් සහ හෙරොයින් ග්රෑම් 321 ක් සොයා ගත් බවද වාර්තා වනවා.
අවුරුදු 26 සහ 27 යන වයස්වල පසුවන සැකකරුවන් අද මීගමුව මහේස්ත්රාත් අධිකරණය වෙත ඉදිරිපත් කිරීමට නියමිතයි.
👍👍👍👍👍👍👍👍👍👍👍👍👍👍