රථවාහන රාජකාරියේ නිරත පොලිස් නිලධාරීන්ගේ රාජකාරියට බාධා කරමින් රථවාහන නීතියන අවනත නොවී කටයුතු කළ පාර්ලිමේන්තු මන්ත්රී යාපනය දිස්ත්රික් පාර්ලිමේන්තු මන්ත්රී ආර්චුනා රාමනාදන් සම්බන්ධයෙන් විමර්ශනයක් අරඹා ඇති බව පොලිසිය පවසනවා.
පොලිස් මාධ්ය ප්රකාශක ජ්යෙෂ්ඨ පොලිස් අධිකාරි කේ.බී.මනතුංග සඳහන් කළේ මේ සම්බන්ධයෙන් අද (21) දිනයේ අධිකරණය වෙත කරුණු වාර්තා කිරීමට කටයුතු කරන බවයි.
මේ අතර එම අවස්ථාවේ මන්ත්රීවරයා විසින් ජාතීන් අතර අසමඟියක් ඇතිවන ආකාරයේ ප්රකාශ සිදුකර ඇත්ද යන්න සම්බන්ධයෙන් ද පරීක්ෂණ පවත්වන බවයි මාධ්ය ප්රකාශකවරයා වැඩිදුරටත් පැවසුවේ.
මෝටර් වාහන පනත සහ දණ්ඩනීති සංග්රහය යටතේ මෙම මන්ත්රීවරයාට ඉදිරි නෛතික කටයුතු සිදුකිරීම නියමිත බවයි පොලිසි පැවසුවේ.
මේ අතර මන්ත්රීවරයාගේ මෙම ක්රියා කලාපය පිළිබඳව මහජන ආරක්ෂක අමාත්ය ආනන්ද විජේපාල අදහස් දක්වමින් සඳහන් කළේ මෙම සිද්ධිය සම්බන්ධයෙන් වහාම සොයාබලා ක්රියාමාර්ග ගැනීමට කටයුතු කරන බවයි.
පාර්ලිමේන්තු මන්ත්රීවරයෙකුට පොලිස් නිලධාරීන්ගේ රාජකාරියට බධා කිරීමට කිසිඳු අයිතියක් නොමැති බවයි අමාත්යවරයා වැඩිදුරටත් පැවසුවේ.
