නාරම්මල ප්රදේශයේදී උප පොලිස් පරීක්ෂකවරයෙකුගේ වෙඩි තැබීමෙන් ලොරි රියදුරෙකුට ජීවිතය අහිමි වීම තමා පෞද්ගලිකව මෙන්ම ආයතනයක් ලෙසට ද මුහුණ දුන් බලවත් අවමානයක් බව කුරුණෑගල භාර නියෝජ්ය පොලිස්පති සුජිත් වෙදමුල්ල පවසනවා.
සිය ෆේස්බුක් ගිණුමේ සටහනක් තබමින් ඔහු සඳහන් කළේ මහත් වැර වෑයමින් ගොඩනගා ගත් මහජන විශ්වාසය ප්රසාදය තනි පුද්ගලයෙකුට එක් මොහොතකින් විනාශ කළ හැකි බවට මීට වඩා උදාහරණයක් නොමැති බවයි.
මෙම චූදිත නිලධාරියාගේ ක්රියාකලාපය හේතුවෙන් මහමග ගමන් ගත් නිර්දෝෂී පුරවැසියෙකුගේ අවාසනාවන්ත මරණයක් සිදු වූ අතර කිසිදු වන්දියක් හෝ මිලක් ගෙවා ඌණපූර්නය කළ නොහැකි ලෙසට දරු පවුලට පියා සැමියා අ හිමි වූ බව නියෝජ්ය පොලිස්පතිවරයාගේ සටහනේ දැක්වෙනවා.
මෙම සැකකාර නිලධාරියා සම්බන්ධව සාධාරණ විනිවිදභාවයෙන් යුත් විමර්ශනයක් සිදු කර ගත හැකි සියලුම නීතිමය සහ විනය ක්රියාමාර්ග ගන්නා බවටයි සුජිත් වෙදමුල්ල සහතික වී ඇත්තේ.
wpDiscuz
