පොලිස් නිලධාරීන් හා අපරාධ පරීක්ෂණ දෙපාර්තමේන්තු නිලධාරින් ලෙස පෙනී සිටිමින් වසර ගණනාවක සිට පුද්ගලයින් රවටා ඔවුන්ගෙන් රුපියල් කෝටි ගණනක මුදල් සහ දේපොළ වංචා කළ පුද්ගලයින් තිදෙනෙක් ගම්පොළ පොලිසිය මඟින් අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ, උඩුනුවර, දවුලගල ප්රදේශයේ පදිංචිව සිටි අවුරුදු 40, 44,45 යන වයස්වල පසුවන තිදෙනෙක්.
මොවුන් විවිධ ප්රදේශවලට ගොස් හුදකලාව ගමන් ගන්නා පුද්ගලයන් මෙන්ම වාහන නවතා, පොලිස් නිලධාරීන් හෝ සී.අයි.ඩී නිලධාරීන් ලෙස පෙනී සිට ඔවුන්ට විවිධ චෝදනාකර පරීක්ෂා කරන මුවාවෙන් එම පුද්ගලයින්ගේ මුදල් සහ දේපළ කොල්ල කා ඇති බවයි අනාවරණය වී ඇත්තේ.
පේරාදෙණිය, මහනුවර, කොම්පඤ්ඤ වීදිය, ග්රෑන්ඩ්පාස් ,මාවනැල්ල, නාරම්වල, පිළිමතලාව, ගම්පොළ, ගලහා, කෑගල්ල කඩුගන්නාව ඇතුළු ප්රදේශ රැසක 2023 වසරේ සිට මෙලෙස කොල්ලකෑම් සිදුකර තිබෙනවා.
මොවුන් සම්බන්ධයෙන් ලැබුණු බුද්ධි තොරතුරක් මත පේරාදෙණිය ප්රදේශයේ දී එක් සැකකරුවෙක් අත්අඩංගුවට ගැනීමට පොලිසිය කටයුතු කර ඇති අතර, ඔහුගෙන් ලද තොරතුරු අනුව අනෙක් දෙදෙනා ද අත්අඩංගුවට ගැනීමට හැකිව තිබෙනවා.
මොවුන් තිදෙනා හෙරොයින් හා මත්පෙති පානයට අධික ලෙස ඇබ්බැහි වී සිට ඇති අතර, කොල්ලකන ලද මුදල් සහ දේපළ සියල්ල ඒ වෙනුවෙන් වැයකර ඇති බවයි හෙළිව ඇත්තේ.
අත්අඩංගුවට ගැනුණු සැකකරුවන් තිදෙනා ගම්පොළ මහේස්ත්රාත් අධිකරණය හමුවට ඉදිරිපත් කිරීමෙන් අනතුරුව මහේස්ත්රාත්වරිය ඔවුන්ව ලබන 24 වනදා දක්වා රක්ෂිත බන්ධනාගාර ගතකර තිබෙනවා.
පෙනී සිටිමින් මංකොල්ල කන එක මොකක්ද ඔය කියන ආයතනවල සේවය කරමින් මංකොල්ලකෑම් සිදුකරද්දි.