මෙහෙණින් වහන්සේ නමක් පොල් වත්තක තිබූ වළකට වැටී අපවත් වූ පුවතක් පුත්තලම, මදුරන්කුලිය ප්රදේශයෙන් වාර්තා වනවා.
අදාළ මෙහෙණින් වහන්සේ නම පෙරේදා (23) මෙලෙස අපවත් වී ඇති බවයි වැඩිදුරටත් තොරතුරු වාර්තා වුණේ.
85 හැවිරිදි වියේ පසුවූ මෙම මෙහෙණින් වහන්සේ නම ඇල්ල ප්රදේශයේ පිහිටි ආරාමයක වැඩවාසය කරමින් සිට ඇති බවයි පොලිසිය සඳහන් කළේ.
වයෝවෘද මෙම මෙහෙණින් වහන්සේ නම, දියණිය විසින් සිය නිවසට කැඳවාගෙන අප උපස්ථාන කරමින් වසර දෙකක පාන කාලයක සිට රැකබලාගෙන ඇති බවයි තොරතුරැ වාර්තා වන්නේ.
එම නිවස පිහිටි පොල්වත්තේ පොල් පැලවලට වතුර දැමීම සඳහා හාරා තිබූ වතුර වළකට පෙරේදා (23) දිනයේ මෙහෙණින් වහන්සේ නම ඇද වැටී අපවත්ව තිබෙනවා.
එම අවස්ථාවේ දී මෙහෙණින් වහන්සේගේ දියණිය සහ දියණියගේ සැමියා නිවසේ සිට නොමැති අතර, සිද්දිය සම්බන්ධයෙන් මදුරන්කුලිය පොලිසිය වැඩිදුර විමර්ශන සිදුකරනු ලබනවා.
