පොපි මල් දිනය නිමිත්තෙන් පළමු පොපි මල ජනාධිපති රනිල් වික්රමසිංහ මහතා වෙත පැළඳවීම අද (09) පෙරවරුවේ ජනාධිපති කාර්යාලයේ දී සිදු වුණා.
ශ්රී ලංකා සේවා මුක්ත භට සංගමයේ සභාපති මේජර් ජෙනරාල් උපුල් පෙරේරා මහතා විසිනුයි පළමු පොපි මල ජනාධිපතිවරයා වෙත පළඳවනු ලැබුවේ.
ලෝක සංග්රාමවලදී මෙන්ම පසුගිය තිස් වසරක් පුරා ශ්රි ලංකාවේ පැවති අභ්යන්තර යුධ ගැටුම්වලදී ජීවිත පූජාකළ විරෝධාර රණවිරුවන් අනුස්මරණය කරමින් ශ්රී ලංකා සේවා මුක්ත භට සංගමය වාර්ෂිකව පොපි මල් දිනය සංවිධාන කරනු ලබනවා.
පොපි මල් අළෙවියෙන් ලැබෙන ආදායම ශ්රී ලංකා සේවා මුක්ත භට සංගමයට අනුබද්ධිත ත්රිවිධ හමුදා විශ්රාමික සංගම් 44ක සාමාජික සාමාජිකාවන් පනස්දහසකගේ පමණ සුභසාධක කටයුතු සඳහා යෙදවෙනවා.
ශ්රී ලංකා සේවා මුක්ත භට සංගමයේ මහලේකම් ලුතිනන් කර්නල් අජිත් සියඹලාපිටිය, භාණ්ඩාගාරික මේජර් පී.කේ.සී. ශාන්තිලාල් කංකානම්ගේ, පොපි සැමරුම් කමිටුවේ සභාපති බ්රිගේඩියර් හේමන්ත ලියනගේ, කමිටු සාමාජිකයන් වන මේජර් පී.එච්. විල්ටස් ද සිල්වා, කපිතාන් ටී.එම්.එච්. මඩුගල්ල, කේ.එච්.එන්. චන්දි හෙට්ටිආරච්චි, අයි.කේ.ඒ. රෝහණි යන මහත්ම මහත්මීන් ඇතුළු පිරිසක් මෙම අවස්ථාවට එක්ව සිටියා.
මින් අනතුරුව ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශක හා ජනාධිපති කාර්ය මණ්ඩල ප්රධානි සාගල රත්නායක මහතා වෙත ද පොපි මල පැළඳවීම සිදු වුණා.
