පොදුරාජ්‍ය මණ්ඩලීය ක්‍රීඩා උළෙලේ කාන්තා ක්‍රිකට් රන් පදක්කම ඕස්ට්‍රේලියාවට (ඡායාරූප)

පොදුරාජ්‍ය මණ්ඩලීය ක්‍රීඩා උළෙලේ කාන්තා ක්‍රිකට් රන් පදක්කම දිනා ගන්නට ප්‍රබල ඕස්ට්‍රේලියානු කණ්ඩායම සමත් වුණා.

ඒ, රන් පදක්කම වෙනුවෙන් පැවති තරගයේ දී ඉන්දියාව පරාජය කරමින්.

මෙම තරගයේ පළමුව පන්දුවට පහර දුන් ඕස්ට්‍රේලියා කාන්තා කණ්ඩායම නියමිත පන්දුවාර 20 තුළ කඩුලු 08කට ලකුණු 161ක් රැස් කිරීමට සමත් වුණා.

ලකුණු 162ක ඉලක්කයක් හඹා ගිය ඉන්දීය කාන්තා කණ්ඩායමට පන්දුවාර 19යි පන්දු 03 තුළ සියල්ලන් දැවී රැස් කරගත හැකි වූයේ ලකුණු 152ක් පමණයි.

ඒ, අනුව මෙම තරගය ලකුණු 09කින් ජයගත් ඕස්ට්‍රේලියානු කාන්තා ක්‍රිකට් කණ්ඩායම රන් පදක්කම දිනා ගත්තා.

එබැවින් ඉන්දියාව සිදු වුණේ රිදී පදක්කමෙන් සෑහීමකට පත්වීමටයි.

මේ අතර ලෝකඩ පදක්කම වෙනුවෙන් පැවති තරගයේ සත්කාරක එංගලන්තය පරාජය කළ නවසීලන්ත කාන්තා ක්‍රිකට් කණ්ඩායම එම පදක්කම තමන් සතුකර ගත්තා.