පේරාදෙණිය විශ්වවිද්‍යාලයේ නියෝජ්‍ය උප කුලපතිවරයා වශයෙන් මහාචාර්‍යය රංජිත් පල්ලෙගම මහතා පත් කර තිබෙනවා.
අද (04) පෙරවරුවේ ඒ මහතා විශ්වවිද්‍යාලයීය සෙනෙට් සභා ඉහළ මාලයේ දී කුලපති මහාචාර්‍යය ටෙරන්ස් මදුජිත් මහතාගේ සුරතින් සිය ධුරයේ රාජකාරි කටයුතු භාර ගත්තා.
මහාචාර්‍ය රංජිත් වසන්ත පල්ලෙගම යනු වෘත්තියෙන් දන්ත ශල්‍ය වෛද්‍යවරයෙකු වන අතර; හෙතෙම සිය පළමු උපාධිය පේරාදෙණිය විශ්වවිද්‍යාලයේ දන්ත ශල්‍ය වෛද්‍ය පීඨයෙන් ලබාගෙන තිබෙනවා.
ඒ වර්ෂ 1997 දීයි.
එමෙන්ම සිය පශ්චාත් උපාධිය දර්ශනය සම්බන්ධයෙන් ද හදාරා ඇති ඒ මහතා ආචාර්ය උපාධිය 2005 වර්ෂයේදී ජපානයේ ටෝකියෝ දන්ත වෛද්‍ය විද්‍යාලයෙන් සම්පූර්ණ කරගත් අයෙක්.
මෙම අවස්ථාවට විශ්වවිද්‍යාලයේ හිටපු උප කුලපතිවරු මෙන් ම අධ්‍යයන හා අනධ්‍යයන කාර්‍යය මණ්ඩලයේ සාමාජිකයින් පිරිසක් ද එක්ව සිටියා.
