නූතන තාක්ෂණික ලෝකයේ ගවේෂණාත්මකව සත්‍ය, අසත්‍ය තෝරාගත හැකි යහපත්, අයහපත් දේ තෝරා ගත හැකි සමාජයට වග කියන පුරවැසියෙක් නිර්මාණය කිරීමයි අවසන් අරමුණ බව අග්‍රාමාත්‍ය හරිනි අමරසූරිය පවසනවා.
අධ්‍යාපන ප්‍රතිසංස්කරණය පිළිබඳ ඇතිවන අදහස්, යෝජනා, සංවාද හරහා මෙන්ම ප්‍රායෝගිකවත් ඇතිවන ගැටළු හදුනා ගනිමින් පියවරෙන් පියවර සියළු දරුවන්ට වඩාත් හොඳ අධ්‍යාපනයක් ලැබෙන පරිදි අධ්‍යාපන ප්‍රතිසංස්කරණය සිදුකරන බවයි අග්‍රාමාත්‍යවරිය පවසන්නේ.
නව අධ්‍යාපන ප්‍රතිසංස්කරණය පිළිබඳ වයඹ පළාත් අධ්‍යාපන බලධාරීන් දැනුවත් කිරීම වෙනුවෙන් කුරුණැගල දිස්ත්‍රික් ලේකම් කාර්යාලයේ අද (29) පැවති වැඩසටහන අමතමින් ඇය මේ බව කියා සිටියා.
එමෙන්ම නව අධ්‍යාපන ප්‍රතිසංස්කරණ සඳහා අදහස් සහ යෝජනා ලබාදීමට තවදුරටත් අවස්ථාව පවතින බවයි අග්‍රාමාත්‍යවරිය මෙහිදී වැඩිදුරටත් අදහස් දක්වමින් පැවසුවේ.
මේ අතර පෙරපාසල් අධ්‍යාපනය සම්බන්ධයෙන් මේ වනවිට ළමා හා කාන්තා කටයුතු අමාත්‍යංශය හා අධ්‍යාපන අමාත්‍යංශය එක්ව ප්‍රතිපත්ති සම්පාදනය සඳහා අවශ්‍ය කටයුතු සිදුකරමින් පවතින බවයි ඇය මෙහිදී සඳහන් කර සිටියේ.
එමෙන්ම එක් එක් වෘත්තීය විෂයන් හඳුනාගෙන ඒ විෂයන් පාසල් විෂය මාලාවට ඇතළත් කරන බවත්, වෘත්තීය අධ්‍යාපනයට සාමාජීය වටිනාකමක් මේ මගින් ඇතිවන බවත් අග්‍රාමාත්‍ය හරිනි අමරසූරිය පැවසුවා.
Great Doc.cum PM to SriLanka sofar ever came in to power….