රාත්‍රී කාලයේ පෙමවතියගේ නිවස අසළට ගොස් ඇය සමඟ කතා බස් කරමින් සිටි තරුණයෙක්ට පෙම්වතියගේ පියා විසින් උදැල්ලකින් පහර දී බරපතළ තුවාල සිදුකළ පුවතක් නුංගමුව ප්‍රදේශයෙන් වාර්තා වනවා.
පෙරේදා (30) රාත්‍රියේ මෙම පහරදීම සිදුකර ඇති අතර, පහරකෑමෙන් බරපතළ තුවාල ලැබූ 20 හැවිරිදි තරුණයා ප්‍රතිකාර සඳහා වතුපිටිවල රෝහලට ඇතුළත් කර ඇති බවයි වාර්තා වුණේ.
අනතුරුව බරපතළ තත්ත්වයේ පසුවූ ඔහු වැඩිදුර ප්‍රතිකාර සඳහා කොළඹ ජාතික රෝහල වෙත මාරුකර යවා තිබෙනවා.
මෙලෙස පහර කෑමට ලක්ව ඇත්තේ වේයන්ගොඩ, එළුවාපිටිය ප්‍රදේශයේ පදිංචිව සිටි තරුණයෙක්.
පෙරේදා (30) රාත්‍රියේ මෙම තරුණයා මුද්දරගම, වත්තේගෙදර ප්‍රදේශයේ පදිංචිව සිටි, සිය පෙම්වතියගේ නිවස අසලට ගොස් ඇත්තේ ඇය මුණගැසීමේ අරමුණින්.
එහිදී පෙම්වතිය ද නිවසට හොර රහසේ සිය පෙම්වතා හමුවීම සඳහා නිවසින් බැහැරට පැමිණ ඇති අතර, පසුව දෙදෙනා මුණගැසී කතාබස් කරමින් සිට ඇති බවයි වාර්තා වන්නේ.
එම අවස්ථාවේ ඒ අසළට පැමිණි පෙම්වතියගේ පියා විසින් පෙම්වතාගේ හිසට උදැල්ලකින් පහර දී ඇති බවයි පොලිසිය සඳහන් කළේ.
පහරදීමට සම්බන්ධ සැකකාර පුද්ගලයා ඊයේ (31) නුංගමුව පොලිසිය විසින් අත්අඩංගුවට ගෙන තිබෙනවා.
