පෙම්වතා සමඟ යහන්ගත වූ 15 හැවිරිදි දැරිය වසර තුනක් තිස්සේ පෙම්වතාට අඹුවක් වූ හැටි පොලිසියට මාට්ටු වෙයි

දිවුලපිටිය, පිටිපනවත්ත ප්‍රදේශයේ පදිංචිකරුවෙකු වන ජේ. පී. නිලංග සඳරුවන් නමැති 31 හැවිරිදි සැකකරු මෙසේ රිමාන්ඞ් භාරයට පත් කර තිබෙනවා. 

මිනුවන්ගොඩ පොලිස් වසමේ පදිංචි එවකට අවුරුදු 15 යි මාස 01ක් වයසැති බාලවයස්කාර දැරිය සමග 2019 වර්ෂයේදී ප්‍රේම සම්බන්ධතාවක් ආරම්භ කර ඇති සැකකරු 2019 වර්ෂයේදීම දැරිය උත්තාරුව ප්‍රදේශයේ හෝටල් කාමරයක් වෙත රැගෙන ගොස් ලිංගික අතවර කර ඇති බව අධිකරණයේදී සඳහන් වී තිබෙනවා. එහිදී සැකකරු දැරියගේ නිරුවත් ඡයාරූප ගෙන ඇයව සහ ඇයගේ දෙමාපියන්ව බියවද්දා වසර 03කට ආසන්න කාලයක් දැරියට ලිංගික අතවර කර ඇති බවත් කොළඹ ළමා සහ කාන්තා නිවාරණ කොට්ඨාසයෙන් කළ දැනුම්දීමක් මත සැකකරු ජංගම දුරකථන 02ක් සමග අත්අඩංගුවට ගත් බව පැමිණිල්ල මෙහෙයවමින් මිනුවන්ගොඩ පොලිසියේ සැරයන් සුදත් නන්දසිරි  අධිකරණය හමුවේ ප්‍රකාශ කර තිබෙනවා.