පසුගිය රජය පැවති කාලය තුළ භාවිත කළ මේ වනවිට අමාත්‍යාංශ සතුව පවතින සුඛෝපභෝගී වාහන සියල්ල වෙන්දේසි කරන බව ජනාධිපති අනුර කුමාර දිසානායක පවසනවා.
තඹුත්තේගම ප්‍රදේශයේ ඊයේ (26) පැවති ජාතික ජන බලවේගයේ සුහද හමුවට සහභාගී වෙමින් ජනාධිපතිවරයා මේ බව සඳහන් කළා.
එළඹෙන පෙරබවාරි මස පළමු වනදා වාහන ආනයන වෙළඳපොළ විවෘත කිරීමට කටයුතු කිරීමත් සමඟ වෙළඳපොළේ ඒ වනවිට පවත්නා වාහන මිලත් සමඟ සලකා බලා එම වාහන වෙන්දේසි කරන බවයි ඔහු මෙහිදී වැඩිදුරටත් සඳහන් කර සිටියේ.
