පෘථිවියට ආලෝක වර්ෂ 40ක් ඈතින් පෘථිවියේ විශාලත්වය හා සමාන ප්‍රමාණයේ ග්‍රහලෝකයක් සොයා ගැනීමට සදර්න් ක්වීන්ස්ලන්ත විශ්ව විද්‍යාලයේ (UniSQ) තාරකා භෞතික විද්‍යා මධ්‍යස්ථානයේ කණ්ඩායමකට හැකි වී තිබෙනවා.
NASA හි Transiting Exoplanet Survey Satellite (TESS) දත්ත විශ්ලේෂණය කිරීමෙන් මෙම ග්‍රහලෝකය සොයා ගැනුණේ විශ්ව විද්‍යාලයේ ආචාර්ය උපාධිධාරියෙකු වන ෂෂීර් ධෝලකියා ඇතුළු පර්යේෂණ කණ්ඩායමක් විසින්.
මෙය එඩින්බරෝ විශ්වවිද්‍යාලයේ ආචාර්ය උපාධිය හදාරන Larissa Palethorpe සහ NASA පර්යේෂකයන් සමඟ සහයෝගයෙන් දියත් කෙරුණු ව්‍යාපෘතියක්.
අලුතින් සොයාගත් ග්‍රහලෝකය, දැන් Gliese 12 b ලෙස නම් කර ඇති අතර, එය පෘථිවි ප්‍රමාණයේ සහ සෞම්‍ය බව තහවුරු කරන ලද අතර එය වාසයට සුදුසු වීමේ හැකියාව වැඩි බව සඳහන්.
ආලෝක වර්ෂ 40ක් එපිටින් පිහිටා තිබීම හේතුවෙන් මෙම සමීපත්වය තාරකා විද්‍යාඥයින්ට ග්‍රහලෝකය පිළිබඳ ගැඹුරු අවබෝධයක් ලබා ගැනීම සඳහා ඉඩ සලසනවා.
