ඊයේ (12) නායකයින් දෙදෙනා දුරකථන සංවාදයක් පැවැත්වූ බැවින්, වාර්ෂික ඉහළ පෙළේ රැස්වීම සඳහා ඉන්දියාවට පැමිණෙන ලෙස අගමැති නරේන්ද්‍ර මෝදි කළ ආරාධනය රුසියානු ජනාධිපති ව්ලැඩිමීර් පුටින් පිළිගෙන ඇති බව ක්‍රෙම්ලිනය නිවේදනය කරනවා.
ත්‍රස්තවාදයට එරෙහිව සම්මුති විරහිත සටනක අවශ්‍යතාව නායකයින් අවධාරණය කළ බව එහි සඳහන් වුණා.
ඉතා සමීප හා ඉහළ මට්ටමේ හවුල්කාරිත්වයක් භුක්ති විඳින රුසියානු-ඉන්දියානු සබඳතාවල උපායමාර්ගික ස්වභාවය ඔවුන් අවධාරණය කළ අතර, මෙම සබඳතා බාහිර බලපෑමට යටත් නොවන බවත් සෑම ක්ෂේත්‍රයකම ගතිකව වර්ධනය වන බවත් ක්‍රෙම්ලිනය නිවේදනය කළා.
අප්‍රේල් 22 වන දින පහල්ගම්හි සිදු වූ කුරිරු ත්‍රස්ත ප්‍රහාරයේදී ඉන්දීය පුරවැසියන් ඝාතනය කිරීම සම්බන්ධයෙන් ජනාධිපති පුටින් නැවත වරක් සිය අවංක ශෝකය පළ කළ අතර ත්‍රස්තවාදයේ සියලු ආකාර සහ ප්‍රකාශනයන්ට එරෙහිව සටන් කිරීමේ දී රුසියාව ඉන්දියාව සමඟ සිටින බවට අගමැති මෝදිට සහතික වූ බව රුසියානු රාජ්‍ය මාධ්‍ය වාර්තා කර තිබෙනවා.
දේශප්‍රේමී යුද්ධයේ ජයග්‍රහණයේ 80 වන සංවත්සරය වෙනුවෙන් අගමැති මෝදි දූරකථන සංවාදයේ දී පුටින්ට සහ රුසියානු ජනතාවට සුබ පැතුම් එක් කළා.
