ඉන්දීය යොවුන් ක්රීඩක විභව් සූර්යවංශි මේ වන විට ලෝකය පුරාවට ක්රිකට් ප්රේක්ෂකයින් අතර වඩාත් කතා බහට ලක්ව ක්රීඩකයෙක්.
මෙවර ඉන්දීය ප්රිමියර් ලීගයේදී ද සුපිරි දස්කම් දැක්වීමට සමත් වූ 15 හැවිරිදි සූර්යවංශි, රාජස්තාන් රෝයල්ස් කණ්ඩායම තරගවැදුණු අවසන් තරග දෙකේදී ද ලකුණු 96ක් සහ 97ක් රැස්කර ගැනීමට සමත් වුණා.
මෙලෙස දස්කම් දැක්වූ සූර්යවංශිව රාජස්තාන් රෝයල්ස් කණ්ඩායමේ ප්රධාන පුහුණුකරු වන ශ්රී ලංකා හිටපු ක්රිකට් නායක, කුමාර් සංගක්කාර විසින් ඇගයීමට ලක්කර තිබෙනවා.
ඊයේ (29) පැවති අවසන් පූර්ව තරගයේ පරාජයට පත්වීමෙන් අනතුරුව මෙවර ඉන්දීය ප්රිමියර් ලීගයේ සිය කණ්ඩායමේ ගමන් මඟ සම්බන්ධයෙන් අදහස් පළකරමින් කුමාර සංගක්කාර කියා සිටියේ විභව් සූර්යවංශි, ලෝකයේ විශිෂ්ඨ පන්දුයවන්නන් ඉදිරියේ දස්කම් දැක්වීමට සමත් වූ බවයි.
එමෙන්ම ඔහුට ලැබෙන අභියෝගයකට වඩා ඉහළ අභියෝගයක් භාර ගැනීමට ඔහු සූදානම් සිටින බවත් සංගක්කාර පවසා සිටියා.
මේ හේතුවෙන් විභව් සූර්යවංශිට ඉතා ඉක්මනින් බලාපොරොත්තු වන කැඳවීමක් ලැබෙන බවට තමන් විශ්වාස කරන බවත් කුමාර සංගක්කාර පෙන්වා දී තිබෙනවා.
තවමත් 15 හැවිරිදි වියේ පසුවන සූර්යවංශි ඉන්දීය ජාතික කණ්ඩායාම වෙනුවෙන් ජ්යාත්යන්තර වරම් හිමිවිය යුතු බවට ලොවපුරා ප්රේක්ෂකයින් මෙන්මක්රිකට් විචාරකයින් පවා මත ප්රකාශ කරමින් සිටින අතරතුර සංගක්කාර විසින් මෙවැනි ප්රකාශයක් සිදුකර තිබෙනවා.
