පළාත් පාලන ආයතන ජන්ද විමසීමට අදාළව මැතිවරණ ප්රචාරණ ආදායම් වියදම් වාර්තා ලබන 28 වන දිනට පෙර ලබාදෙන ලෙස මැතිවරණ කොමිෂන් සභාව දැනුම්දී තිබෙනවා.
2023 අංක 03 දරන මැතිවරණ වියදම් නියාමනය කිරීමේ පනත ප්රකාරව අපේක්ෂකයින් මැතිවරණ ප්රචාරණ ආදායම් හා වියදම් වාර්තා වෙන වෙනම සකස්කර ඉදිරිපත් කළ යුතු බව ද මැතිවරණ කොමිෂන් සභාව සඳහන් කරනවා.
ඒ අනුව තරග කරන ලද දිස්ත්රික්කවල තේරිම් භාර නිලධාරීන් වෙත මෙම ආදායම් වියදම් වාර්තා ලබාදෙන ලෙස ද මැතිවරණ කොමසාරිස් ජනරාල් සමන් ශ්රී රත්නායක මහතා පැවසුවා.
මේ අතර ආදායම් වියදම් වාර්තා ලබාදීමට අපොහොසත් වන අපේක්ෂකයින්ට එරෙහිව නීතිය ක්රියාත්මක වීම සම්බන්ධයෙන් ගැටලුවක් පවතින බව ප්රජාතන්ත්රීය ප්රතිසංස්කරණ හා මැතිවරණ අධ්යයන ආයතනයේ විධායක අධ්යක්ෂ මංජුල ගජනායක මහතා සඳහන් කළා.
