පිහියෙන් ඇන තම මාමාව ඝාතනය කළ බව කියන පුද්ගලයෙක් අත්අඩංගුව ගත් බව මදුරන්කුලිය පොලිසිය පවසනවා.
ඊයේ (30) රාත්රියේ මදුරන්කුලිය, කඩයාමට්ටේ, කිලාමඩුචේන ප්රදේශයේ දී මෙම ඝාතනය සිදුව ඇති බවයි තොරතුරු වාර්තා වුණේ.
ඝාතනයට ලක්වූ පුද්ගලයා 55 හැවිරිදි වියේ පසුවන අයෙක් බවයි පොලිසිය සඳහන් කළේ.
මෙම අපරාධය සම්බන්ධයෙන් අත්අඩංගුවට ගෙන ඇත්තේ ඝාතනයට ලක්වූ පුද්ගලයාගේ නැගණියගේ පුත්රයා වන අතර, වයස අවුරුදු 37ක අයෙක්.
සැකකරු අධික ලෙස මත්පැන් පාලනය කර අඩ නිරුවතින් පැමිණ ඝාතනයට ලක්වූ පුද්ගලයාගේ දරුවෙකුගේ නිවසට ගොස් කලහකාරී ලෙස හැසිරී තිබෙනවා.
එය සමථයකට පත් කිරීම සඳහා ඝාතනයට ලක් වූ පුද්ගලයා එහි පැමිණ ඇති අතර, එම අවස්ථාවේ දී සැකකරු සඟවාගෙන සිටි පිහියකින් ඔහුට ඇන ඇති බවයි අනාවරණය වී ඇත්තේ.
එම අවස්ථාවේ දී පිහි ප්රහාරයෙන් බරපතළ තුවාල ලැබූ පුද්ගලයා පුත්තලම මූලික රෝහලට ඇතුළත් කර ඇති අතර, එහිදී ඔහු මියගොස් තිබෙනවා.
සිද්ධියෙන් පසුව සැකකරු තවත් අයෙකු සමඟ පැමිණ පොලිසියට භාරවීමෙන් පසු අත්අඩංගුවට ගෙන ඇති බවයි වාර්තා වුණේ.
සිද්ධිය සම්බන්ධයෙන් මදුරන්කුලිය පොලීසිය වැඩිදුර විමර්ශණ සිදුකරනු ලබනවා.
