සම්බුදු තෙමඟුල සිහිකෙරෙන වෙසක් පුර පසළොස්වක පොහොය දිනය අදට (30) යෙදී තිබෙනවා.
ගෞතම බුදුරජාණන් වහන්සේගේ ඉපදිම, බුදුවීම සහ පිරිනිවන්පෑම සිදුවුයේ අදවන් පොහෝ දිනකයි.
වෙසක් පුන් පොහෝ දිනය ශ්රී ලංකාවාසීන්ට ශාසනික සංස්කෘතික හා සාමාජීය වශයෙන් වැදගත් සිදුවීම් රැසකට මුල් වූ දිනයක්.
ගෞතම බුදුරජාණන් වහන්සේගේ තෙවන ලංකාගමනය සිදුවන්නේ ද අද වැනි වෙසක් පොහෝ දිනකයි.
එම ගමනේදී සමනල කඳු මුදුනට වැඩම කළ බුදු හිමියන්, සිරිපා සටහන එහි තැබූ අතර, එය සිහිපත් කරමින් කෙරෙන සිරිපා සමය නිමවන්නේ ද වෙසක් පුර පසළොස්වක පොහෝ දිනක වීම විශේෂත්වයක්.
මේ අතර රට එක්සේසත් කළ දුටුගැමුණු රජතුමා රුවන්වැලි මහා සෑයේ වැඩ ආරම්භ කිරීම සහ එහි බිම සකස් කිරීම යන කරුණු දෙකම වෙසක් පොහෝ දිනයේ සිදු වූ බව ශාසන ඉතිහාසයේ සඳහන්.
ශාසනික වැදගත්කම් රාශියකින් යුත් වෙසක් පුර පසළොස්වක පොහොය දිනය ශ්රී ලංකාවාසීන් මෙන් ම සමස්ත ලෝකවාසී බෞද්ධ ජනතාව අද මහත් උත්සවශ්රීයෙන් සමරනු ලබනවා.
