ඇෆ්ගනිස්ථානයේ කාන්තාවන් සහ ගැහැණු ළමුන් සඳහා, තලේබාන් සංවිධානය විසින් ඔවුන්ගේ අධ්‍යාපනය සහ පොදු සාමාජීය ජීවිතය තහනම් කරමින් නීති මාලාවක් පනවා තිබෙනවා.
එහිදී කාබුල් නුවර සිටි එක් කාන්තාවක් එරටින් පැනගොස් එක්සත් රාජධානියේ අධ්‍යාපනය ලැබීමට කටයුතු කර තිබුණා.
CNN වෙත අදහස් අදක්වමින් ඇය පවසා තිබෙන්නේ ” ඇයට ඇය පිළිබඳව ආඩම්බර බවත්, ඇය එම රට තුළ සිත්සේ නිදහස විඳින බවයි”.
තලේබාන් පාලනය අත්පත් කර ගැනීමෙන් පසු වසර තුනක කාලය තුළ කාන්තාවන්ගේ ජීවිතවලට සීමා කිරීම් වැඩි වී ඇති බව විදෙස් මාධ්‍ය පෙන්වා දෙනවා.
වයස අවුරුදු 12ට වැඩි ගැහැණු ළමයින්ට පාසල් තහනම් කර ඇති අතර, බොහෝ විශ්වවිද්‍යාල ප්‍රවේශ විභාගවලට පෙනී සිටීම ද තලේබාන් පාලනය යටතේ වළක්වා තිබුණා.
රූපලාවන්‍යාගාර වසා දැමීම මෙන්ම උද්‍යාන, ව්‍යායාම මධ්‍යස්ථාන සහ ක්‍රීඩා සමාජ වෙත යාමට නොහැකි වීම වැනි කාරණාවන් ද එම පාලනය තුළ ක්‍රියාත්මක වී තිබෙනවා.
නමුත් තලේබාන් සංවිධානය පවසා ඇත්තේ එම තහනම් ආගමික ප්‍රශ්න මත පමණක් පදනම් වූවක් බවයි.
