පිටත වටරවුම අධිවේගී මාර්ගයේ අතුරුගිරිය ප්‍රදේශයේ දී අද (10) අලුයම සිදුවූ රිය අනතුරකින් කාන්තාවක් ජීවිතක්ෂයට පත්ව තිබෙනවා.
මෙම අනතුරින් තවත් පුද්ගලයින් 06 දෙනෙකු තුවාල ලබා ඇති බවයි පොලිසිය පැවසුවේ.
අනතුරින් මියගිය කාන්තාව 57 හැවිරිදි වියේ පසු වූ තැනැත්තියක්.
ජීප් රථයක් වෑන් රථයක ගැටීමෙන් මෙම අනතුර සිදුව ඇති අතර, තුවාල ලැබූවන් හෝමාගම මූලික රෝහලට ඇතුළත්කර තිබෙනවා.
ගාල්ල ප්‍රදේශයේ පැවති අවමගුල් උත්සවයකට සහභාගී වී නැවත එමින් සිටි වෑන් රථයක් සහ කහතුඩුව ප්‍රදේශයේ සිට කටුනායක දෙසට ගමන් කරමින් තිබූ ජීප් රථයක් මෙලෙස අනතුරට ලක්ව ඇති බව සඳහන්.
