මතුගම පැලවත්ත නගර මධ්‍යයේ දී පුද්ගලයකු තියුණු ආයුධවලින් පහරදී ඝාතනය කර තිබෙනවා.
අද සවස මෙම ඝාතනය සිදු වී ඇති බවයි මීගහතැන්න පොලිසිය සඳහන් කළේ.
මෙලෙස ඝාතනයට ලක්වී ඇත්තේ පැලවත්ත මිරිස්වත්ත ප්‍රදේශයේ පදිංචිව සිටි 35 හැවිරිදි පුද්ගලයෙක්.
පැලවත්ත නගර මධ්‍යයේ පිහිටි ඖෂධ ශාලාවක් ඉදිරිපිට දී කඩුවකින් මෙම පහරදීම සිදු කර ඇති බව මෙතෙක් කළ පරීක්ෂණවලින් තහවුරු වී තිබෙනවා.
සිද්ධියට සම්බන්ධ ඝාතකයා මෙතෙක් හඳුනාගෙන නොමැති අතර මීගහතැන්න පොලිසියයි සිද්ධිය සම්බන්ධයෙන් පරීක්ෂණ සිදු කරන්නේ.
