තවත් පැය 10 කටත් අඩු කාලයකින් ආරම්භවීමට නියමිත 2024 පැරිස් ඔලිම්පික් තරගාවලියේ සමාරම්භක උළෙල සඳහා රුසියානු සහ බෙලරුසියානු ක්රීඩක ක්රීඩිකාවට එක්වීමට අවසර හිමි නොවන බව වාර්තා වනවා.
යුක්රේනයට එල්ල කරන යුද ආක්රමණ හේතුවෙන් එම රටවල් දෙකේ ක්රීඩක ක්රීඩිකාවන්ට මෙම තහනම පනවා ඇති බවයි විදෙස් මාධ්ය වාර්තා කරන්නේ.
මේ අතර රුසියානු සහ බෙලාරුසියානු මලල ක්රීඩක ක්රීඩිකාවන් විශාල පිරිසක් 2024 පැරිස් ඔලිම්පික් උළෙලට මධ්යස්ථ ධජයක් යටතේ තරඟ වදිනු ඇති බවයි තොරතුරු වාර්තා වන්නේ.
එමෙන්ම මෙම ක්රීඩක ක්රීඩාවන් ලබන ජයග්රහණවල දී ජාතික ධජය එසවීමක් හෝ ජාතික ගීය ගායනයක් සිදුනොවීම ද විශේෂත්වයක්.
ඒ, අනුව ඔලිම්පික් කමිටුව විසින් තීරණය කරන වෙනත් සංගීතයක් එහිදී වාදනය වනු ඇති බවයි විදෙස් මාධ්ය වැඩිදුරටත් සඳහන් කළේ.
මේ අතර ඔලිම්පික් ඉතිහාසයේ පළමු වතාවට සමාරම්භක උත්සවය ක්රීඩාංගණයක් තුළ නොපැවැත්වීම මෙවර ඔලිම්පික් තරගාවලිය තුළ සිදුවනවා.
ඒ, අනුව ඔලිම්පික් සමාරම්භක උළෙලේ සාම්ප්රදායික පෙළපාලිය ප්රංශ අගනුවර හදවත හරහා ගලා බසින සේන් ගඟ දිගේ පැවැත්වීමටයි සැලසුම්කර ඇත්තේ.
