දිවයින පුරා සිදුකළ මෙහෙයුම්වල දී මත්ද්‍රව්‍ය වැරදි සම්බන්ධ සැකකරුවන් 558ක් සහ අපරාධ අංශ වෙත යොමු කළ ලැයිස්තුවේ සිටි සැකකරුවන් 170ක් සමඟින් මුළු සැකකරුවන් 728 දෙනෙකු අත්අඩංගුවට ගෙන තිබෙනවා.
මත්ද්‍රව්‍ය වැරදි සම්බන්ධයෙන් අත්අඩංගුවට ගත් සැකකරුවන් 558 දෙනා අතර පොලිස් මත්ද්‍රව්‍ය නාශක කාර්යංශය සහ පොලිස් විශේෂ කාර්යංශයේ ලැයිස්තුවේ සිටි සැකකරුවන් 14ක් සිටී.
එසේම, අපරාධ අංශ වෙත යොමු කළ ලැයිස්තුවේ අත්අඩංගුවට ගත් සැකකරුවන් 170දෙනා අතරින් මත්ද්‍රව්‍ය වැරදි සම්බන්ධව විවෘත වරෙන්තු නිකුත්ව සිටි සැකකරුවන් 18ක් සහ මත්ද්‍රව්‍ය නොවන වැරදි සම්බන්ධව විවෘත වරෙන්තුකරුවන් 145ක්ද අයත්.
ඇඟිලි සටහන් මාධ්‍යයෙන් හදුනාගෙන අත්අඩංගුවට ගත් සැකකරුවන් 04ක් සහ අපරාධවලට අවශ්‍ය කරන සැකකරුවන් 03ක්ද මෙම මෙහෙයුම්වල දී අත්අඩංගුවට ගෙන ඇති බව සඳහන්.
දිවයින පුරා සිදුකළ මෙහෙයුම්වල දී හෙරොයින් ග්‍රෑම් 122ක්, අයිස් ග්‍රෑම්101ක්, ගංජා කිලෝ 05 ග්‍රෑම් 217ක්, ගංජා පැළ 23,521ක්, මාවා ග්‍රෑම් 404ක්, මත්පෙති 1,852ක් සහ මදන මෝදක ග්‍රෑම් 171ක් පොලිස් අත්අඩංගුවට ගෙන තිබෙනවා.
