මොරන්තුඩුව ධම්මානන්ද විද්යාලයේ 11 වසර සිසුවකුට අමානුෂික ලෙස පහරදුන් බව කියන එම විද්යාලයේම සිසුන් පිරිසෙන් තිදෙනෙක් අත්අඩංගුවට ගත් බව මොරන්තුඩුව පොලිසිය පවසනවා.
අත්අඩංගුවට ගෙන තිබෙන්නේ 10 වසරේ සහ 12 වසරේ ඉගෙනුම ලබන සිසුන් තිදෙනෙක්.
පහර කෑ සිසුවා නාගොඩ රෝහලට ඇතුළත් කෙරුණු අතර ඔහුගේ දකුණු පාදයේ අස්ථියක් බිඳීම හේතුවෙන් ශල්යකර්මයට ලක්කර තිබෙනවා.
පහර කෑ සිසුවා මීට පෙර තවත් සිසුවෙකුට පහර දීමේ සිද්ධියක් මුල් කරගෙන මෙම පහරදීම සිදුව ඇති බව පොලිසිය පැවසුවා.
සිසුවාට පහර දුන් බව කියන තවත් සිසුන් තිදෙනෙක් හඳුනාගෙන ඇති අතර ඔවුන් අත්අඩංගුවට ගැනීමට පොලිසිය පරීක්ෂණ ආරම්භ කර තිබෙනවා.
