ඉකුත් ජනවාරි මාසයේ සිට මේ දක්වා ගත වූ කාලය තුළ විදේශ ගමන් බලපත්‍ර ලක්ෂ 04ක් නිකුත් කර ඇති බව ආගමන විගමන දෙපාර්තමේන්තුව පවසනවා.
එම දෙපාර්තමේන්තුව වැඩිදුරටත් සඳහන් කරන්නේ ගමන් බලපත්‍ර ලක්ෂ 04ක් නිකුත්කර ඇතත් තවමත් විදේශගත වී ඇත්තේ ඉන් 70,000ක් පමණක් බවයි.
මේ අතර දෛනික ව නිකුත් කරන විදේශ ගමන් බලපත්‍ර සංඛ්‍යාව ද මේ වනවිට 2400ක් දක්වා ඉහළ ගොස් ඇති බවයි ආගමන විගමන දෙපාර්තමේන්තුව පෙන්වා දෙන්නේ.
මේ වනවිට විදේශ ගමන් බලපත්‍රලාභීන් ලක්ෂ 35ත් 45ත් අතර ප්‍රමාණයක් සිටින බවයි වාර්තා වන්නේ.
එම දෙපාර්තමේන්තුවේ එක්දින සේවා යටතේ විදේශ ගමන් බලපත්‍ර දහසක් නිකුත් කෙරෙන අතර, සාමාන්‍ය සේවය යටතේ දිනකට 800ක් නිකුත් කරනු ලබනවා.
මේ අතර පසුගිය අප්‍රේල් මාසයේ සිට විදේශ ගමන් බලපත්‍ර සකස් කර ගැනීම සඳහා පැමිණෙන්නන්ගේ ඉහළ ප්‍රවණතාවක් දක්නට ලැබෙන බවයි ආගමන විගමන දෙපාර්තමේන්තුව වැඩි දුරටත් සඳහන් කර සිටියේ.
