පාස්කු ප්රහාරයේ විමර්ශන තව කෙටි කාලයක් තුළ සාර්ථකව අවසන් කරගත හැකි බවට විශ්වාස කරන බව මහජන ආරක්ෂක අමාත්ය ආනන්ද විජේපාල පවසනවා.
මාධ්ය හමුවේ අද (21) අදහස් දක්වමින් අමාත්යවරයා මේ බව සඳහන් කළා.
පාස්කු ප්රහාරය සම්බන්ධයෙන් පමණක් නොව රට තුළ සිදු වූ වංචා, දූෂණ ඇතුළු නීති විරෝධී ක්රියාකාරකම් සම්බන්ධයෙන් සිදුකරන විමර්ශන නිවැරදිව සහ විනිවිධ භාවයකින් යුතුව සිදුකරගෙන යන බවයි අමාත්යවරයා වැඩිදුරටත් සඳහන් කර සිටියේ.
මේ අතර මැයි දිනය සහ එළඹෙන වෙසක් උත්සවය වෙනුවෙන් විශේෂ ආරක්ෂක වැඩපිළිවෙලක් ක්රියාත්මක කිරීමට සැලසුම් කර ඇති බවයි ඔහු පැවසුවේ.
හැමදාම විමර්ශන… ඔව් විමර්ශන අවසන් කරයි තව අවුරුදු 4 ක් විතර ගිහින්..
ඊට පස්සෙ චුදිතයින්ට එරෙහිව චෝදනා ගොනු කරයි තවත් අවුරුදු 2 ක් විතර ගිහිල්ල.. ඊට පස්සෙ චුදිතයින්ව උසාවි ඉදිරිපත් කරන්න තවත් අවුරුදු 2 ක් හෝ 3 ක් යයි. ඊට පස්සෙ නඩු කතා කරයි.. නඩු කල් යයි අවුරුදු 5 ක් විතර.
ඒ වෙනකොට මේ ආණ්ඩුව ගෙදර ගිහින් ගොඩක් කල්… ඒ අලුත් ආණ්ඩු වලින් විමර්ශන නැවත පටන් ගනියි…
ඔහොම ඔහොම පාස්කු ප්රහාරය චන්දෙට පාවිච්චි කරන තුරුම්පුවක් බවට පත්වෙයි.. එච්චරයි..