පාස්කු ඉරුදින ත්රස්ත ප්රහාරයක් එල්ල වීමට නියමිත බවට බුද්ධි තොරතුරු ලැබී තිබියදීත් එය වළක්වා ගැනීමට කටයුතු නොකිරීම තුළින් සාපරාධී ලෙස රාජකාරිය පැහැර හැරීම ඇතුළු චෝදනාවලින් නිදොස් කොට නිදහස් කරන ලද හිටපු ආරක්ෂක ලේකම් හේමසිරි ප්රනාන්දු සහ හිටපු පොලිස්පති පූජිත් ජයසුන්දර යන අයට එරෙහිව නීතිපතිවරයා විසින් ගොනුකර තිබූ නඩුව අද (22) කොළඹ මහාධිකරණය හමුවේ යළි කැඳවනු ලැබුවා.
අදාළ විත්තිකරුවන් නිදොස් කොට නිදහස් කිරීමට එරෙහිව නීතිපතිවරයා විසින් ඉදිරිපත් කළ අභියාචනා පෙත්සම් විභාග කළ ශ්රේෂ්ඨාධිකරණය විත්තිකරුවන්ගේ විත්ති වාචිකව කැඳවීමට පියවර ගන්නා ලෙස ඉකුත්දා නියෝගයක් නිකුත් කර තිබූ බවයි දසත අධිකරණ වාර්තාකරු පැවසුවේ.
ඒ අනුව අදාළ නඩුව අද නාමල් බලල්ලේ සහ මොහොමඩ් ඉර්ෂඩීන් යන මහාධිකරණ විනිසුරු මඬුල්ල ඉදිරියේ කැඳවනු ලැබුවා.
එහිදී ඉකුත් දා ශ්රේෂ්ඨාධිකරණය විසින් විසින් ප්රකාශයට පත් කරනු ලැබූ නඩු තීන්දුව විත්තිකරුවන්ට කියවා දෙනු ලැබු අතර ඒ අනුව මෙම නඩුව යළි කැඳවා විත්තියේ සාක්ෂි විමසන ලෙස ශ්රේෂ්ඨාධිකරණය විසින් සිය තීන්දුව මගින් දැනුම් දී ඇතැයි ද විනිසුරුවරු විසින් විත්තිකරුවන්ට දැනුම්දුන්නා.
ඉන් අනතුරුව නඩුව ලබන 28 වනදා කැඳවීමට ද විනිසුරු මඩුල්ල දින නියම කළා.
මිනිසුන් මැරිලා පොලවට පස්වෙලා රාජ්ය සේවකයෝ ලෙස සැප විදලාජනතාවට රටට ද්රෝහි වෙලා අධිකරණයෙන් නිදහස් වෙන්න ඉල්ලුවට ජනතාව යදින සැබැ දෙවියන් මොවුන්ට සමාව දෙයිද? ජනතා සුසුම් මත ත්රස්වාදයට දේශපාලන උවමනාවට ජනතාව මරපු මුං ගේ හදවත් දන්නවා අපාගත වෙනවා