පාසල් විවේක කාලයේ ක්‍රිකට් සෙල්ලම් කරමින් සිටිය දී උඩ පන්දුවක් රැකගැනීමට යාමේ දී ලිස්සා ගොස් බිත්තයක ගැටී බරපතල තුවාල ලැබූ සිසුවෙක් අද (04) ජීවිතක්ෂයට පත්ව තිබෙනවා.
මෙලෙස ජීවිතක්ෂයට පත්ව ඇත්තේ නුවරඑළිය අධ්‍යාපන කලාපයට අයත් කොටගල කෙම්බ්‍රිජ් දමිළ විද්‍යාලයේ ඉගෙනුම ලැබූ සිසුවෙක්.
අනතුරින් බරපතළ තුවාල ලැබූ සිසුවා දික්ඔය මූලික රෝහල වෙත ඇතුළත් කර වැඩිදුර ප්‍රතිකාර සඳහා මහනුවර ශික්ෂණ රෝහලට මාරුකර යැවීමේ දී ජීවිතක්ෂයට පත්ව ඇති බවයි වාර්තා වුණේ.
මෙලෙස ජීවිතක්ෂයට පත් වූ සිසුවා එම පාසලේ 13 වන ශ්‍රේණියේ ඉගෙනුම ලබන ශිවකුමාර් නදීෂ් නැමැති සිසුවෙක්.
මෙම සිසුවා පාසල් විවේක කාලයේ දී තවත් ළමුන් පිරිසක් සමඟ සෙල්ලම් කරමින් සිටිය දී පන්දුවක් රැකගැනීමට යාමේ දී ලිස්සා ගොස් අසල තිබූ බිත්තියක සිසුවාගේ හිස වැදී මෙම අනතුර සිදුව තිබෙනවා.
ජීවිතක්ෂයට පත් සිසුවාගේ සිරුර පශ්චාත් මරණ පරීක්ෂණය සඳහා දික්ඔය මූලික රෝහලේ මෘත ශරීරාගාරයේ තැන්පත් කර ඇති බවයි අප වාර්තාකරු පැවසුවේ.
සිද්ධිය සම්බන්ධයෙන් දිඹුල පතන පොලිසිය වැඩිදුර විමර්ශන සිදුකරනු ලබනවා.
