බගවන්තලාව නගරයේ පිහිටි පාසල් වෙත පාසල් ළමුන් ප්රවාහනය කළ බස් රථයක් අනතුරට පත්ව එහි ගමන් ගත ළමුන් 34 දෙනෙකු තුවාල ලබා රෝහල් ගතකර තිබෙනවා.
රාණිකාඩුව – බගවන්තලාව මාර්ගයේ කැම්පියන් වත්ත ප්රදේශයේ දී අද (28) උදෑසන මෙම අනතුර සිදුව ඇති බවයි වාර්තා වුණේ.
ධාවනය වෙමින් තිබූ බස් රථයේ තිරිංග පද්ධතියේ හදිසියේ ඇති වූ කාර්මික දෝෂයක් හේතුවෙන් බස් රථය නතර කිරීමට රියදුරා බස් රථය මාර්ග අසළ පස් කන්දක ගැටීමට සලස්වා තිබෙනවා.
මෙම අනතුරින් තුවාල ලැබූ ළමුන් සිව්දෙනෙකු වැඩිදුර ප්රතිකාර සදහා දික්ඔය මූලික රෝහල වෙත මාරු කර යවන බවත්, බගවන්තලාව ප්රාදෙශීය රෝහලේ නේවාසිකව ප්රතිකාර ලබන සෙසු තුවාලකරුවන්ගේ තත්ත්වය බරපතල නොවන බවයි දිස්ත්රික් වෛද්ය නිළධාරිවරයා කියා සිටියේ.
