ඉසුරුපාය අධ්‍යාපන අමාත්‍යාංශ ඉදිරිපිට විරෝධතාවයේ නිරත විරෝධතාකරුවන් පිරිස විසුරුවා හැරීමට පොලිසිය කටයුතු කිරීමේ දී උණුසුම් තත්ත්වයක් මේ වනවිට හටගෙන තිබෙනවා.
එම උණුසුම් තත්ත්වය අතර තුර පොලිස් නිලධාරීන් කිහිපදෙනෙකු තුවාල ලබා ඇති බවයි වාර්තා වන්නේ.
ඊට අමතරව උද්ඝෝෂකයින් කිහිපදෙනෙක් ද අත්අඩංගුවට ගෙන තිබෙනවා.
Update – 2024-12-02 , 01.33 PM
ඒකාබද්ධ පාසල් සංවර්ධන නිලධාරීන්ගේ එකමුතුව අද (02) බත්තරමුල්ලේ සිට අධ්‍යාපන අමාත්‍යාංශය වෙතට විරෝධතා පාගමනකින් පැමිණියා.
අධ්‍යාපන අමාත්‍යාංශය ඉදිරිපිටට පැමිණි ඔවුන් එහිදී විරෝධතාවයක නිරත වුණා.
විරෝධතාවයේ නිරත වෙමින් ඔවුන් රජයට බල කළේ තමන්ව ගුරුසේවයට අනුයුක්ත කර සේවයේ ස්ථීර කරන ලෙසයි.
ඔවුන් එහිදී වැඩිදුරටත් සඳහන් කළේ මේ සම්බන්ධයෙන් අග්‍රාමාත්‍යවරිය සමඟ සාකච්ඡාවක් ලබා නොදුන්නොත් අද දිනයේ අධ්‍යාපන අමාත්‍යාංශය ඉදිරිපිට අඛණ්ඩ සත්‍යග්‍රහයක නිරත වන බවයි.
