අරලගංවිල කැකුළුවෙල මහා විද්‍යාලයේ භූමිය පවිත්‍ර කිරීමේ කටයුතුවල නිරත ව සිටි කාන්තාවකට වන අලියෙකු පහරදීම හේතුවෙන් ජීවිතක්ෂයට පත් ව තිබෙනවා.
අද (22) පෙරවරු 7.15ට පමණ මෙම ඛේදවාචකය සිදු ව ඇති බවයි වාර්තා වන්නේ.
පහරකෑමෙන් බරපතළ තුවාල ලැබූ අදාළ කාන්තාව රෝහල්ගත කළ ද මියගොස් තිබෙනවා.
මෙසේ මියගොස් ඇත්තේ 42 හැවිරිදි සිව්දරු මවක් බවයි අරලගංවිල පොලිසිය පැවසුවේ.
ඇය එම ප්‍රදේශයේ ම පදිංචිකාරිණියක්.
