වයස අවුරුදු 15ක බාලවයස්කාර දැරියක් මව්පිය භාරකාරත්වයෙන් පැහැරගෙන ගොස් ඇයව දූෂණය කළ බව කියන 18 හැවිරිදි තරුණයෙක් කොස්වත්ත පොලීසිය විසින් අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ වෙන්නප්පුව, නයිනමඩම, වෙල්ලමංකරය ප්රදේශයේ පදිංචි තරුණයෙක් බවයි පොලිසිය සඳහන් කළේ.
ලුණුවිල, කිරිමැටියානවත්ත ප්රදේශයේ පදිංචි කාන්තාවක් විසින් සිදුකර ඇති පැමිණිල්ලකට අනුව මෙම සැකකාර තරුණයා අත්අඩංගුවට ගෙන තිබෙනවා.
පසුගිය 14 වනදා පස්වරුවේ නිවසේ සිටි තම දියණිය අතුරුදහන්වී ඇති බවත්, පසුව කරන ලද සොයා බැලීමේ දී ඇය සැකකරු සමග මිනුවන්ගොඩ ප්රදේශයේ නිවසක සිටින බවට තොරතුරු ලැබුණු බව දැරියගේ මව පොලිසියට පවසා තිබෙනවා.
පසුව තමන් සැමියා සමඟ එහි ගොස් දියණිය සහ සැකකාර තරුණයා කැඳවාගෙන පැමිණි බවයි පැමිණිලිකාරිය පොලීසියට වැඩිදුරටත් පවසා ඇත්තේ.
සැකකාර තරුණයා සමඟ ප්රේම සම්බන්ධතාවයක් තිබූ බවත්, පෙම්වතාගේ ඉල්ලීම පරිදි ඔහු සමඟ ගිය බවත් දැරිය පොලිසිය හමුවේ පවසා තිබෙනවා.
තමන්ව කැඳවාගෙන ගිය පෙම්වතා තමා සමඟ අඹු සැමියන් ලෙස දින 03ක් ජීවත් වූ බව ද ඇය පොලීසිය හමුවේ වැඩිදුරටත් පවසා ඇති බවයි වාර්තා වුණේ.
සැකකරු දැරිය කැදවාගෙන ගොස් ඇයව දූෂණය කර ඇත්තේ මිනුවන්ගොඩ ප්රදේශයේ වන බැවින් ඒ් සම්බන්ධයෙන් විමර්ශණයක් සිදුකර වාර්තාවක් ලබාදෙන ලෙස කොස්වත්ත පොලීසිය විසින් මිනුවන්ගොඩ පොලීසියට දැනුම් දී ඇති බව සඳහන්.
දැරිවිය මවගේ ආරක්ෂාව යටතේ වෛද්ය පරීක්ෂණයක් සඳහා හලාවත මහ රෝහලේ අධිකරණ වෛද්ය නිලධාරීවරයා වෙත යොමු කර තිබෙනවා.
අත්අඩංගුවට ගැනුණු සැකකරු මාරවිල මහේස්ත්රාත්වරයා හමුවට ඉදිරිපත් කිරීමට නියමිත බවයි පොලිසිය පැවසුවේ.
කොල්ලාට අවුරුදු 10 – 20 අතර කාලයක් හිරේ ලගින්න වෙනවා. අවුරුදු 18 පැනපු කෙල්ලක් ඉස්සුවා නම් බේරෙන්න චාන්ස් එක තියෙනවා.