දිවයිනේ සියලු පාසල්වල ප්රාථමික ශ්රේණි සිසුන් සඳහා හෙට (04) දිනයේ සිට පාසල් නිවාඩුව ලබාදීමට පියවර ගන්නා බව අධ්යාපන අමාත්යාංශය පවසයි.
අධ්යාපන අමාත්යාංශ ලේකම් මහාචාර්ය කපිල පෙරේරා මහතා සඳහන් කළේ, අදාළ නිවාඩු අප්රේල් මස 18 වන දින දක්වා ක්රියාත්මක බවය.
ඊට අමතරව උතුර, දකුණු, වයඹ සහ නැගෙනහිර පළාත්වල සියලු පාසල්වලට ද හෙට දිනයේ සිට පාසල් නිවාඩුව ලබාදීමට තීරණය කර තිබේ.
කෙසේවෙතත් උතුරු මැද, මධ්යම, සබරගමුව, ඌව සහ බස්නාහිර යන පළාත්හි පාසල්වල වාර පරීක්ෂණ අවසන් වී නොමැති සිසුන් පමණක් ඉදිරි දිනවල දී පාසල් වෙත කැඳවා අදාළ විභාග කටයුතු සිදුකර ලෙස අධ්යාපන අමාත්යාංශ ලේකම්වරයා සියලු පාසල්වල විදුහල්පතිවරුන්ට දැනුම් දී ඇති බව වාර්තා වේ.
කෙසේවෙතත් හෙට දිනයේ සිට පාසල් ළමුන් සදඳහා නිවාඩු ලබාදුන්න ද විදුහල්පතිවරුන් සහ ගුරුවරුන් සාමාන්ය පරිදි පාසල් වෙත වාර්තා කළ යුතුය.
විදුලි කප්පාදුව සහ පවතින ප්රවාහන ගැටලු පාදක කරගනිමින් හෙට දිනයේ සිට පාසල්වලට නිවාඩු ලබාදෙන ලෙස මහජන උපයෝගීතා කොමිෂන් සභාව ඊයේ (02) දිනයේ දී අධ්යාපන අමාත්යාංශයෙන් ඉල්ලීමක් ද කළේය.
මේ අතර බස්නාහිර පළාතේ සියලුම කතෝලික පෞද්ගලික පාසල් සහ කතෝලික ජාත්යන්තර පාසල්වලට ලබන සතියේ නිවාඩු ලබා දී තිබේ.
එසේ වුවත් නියමිත පරිදි අදාළ පන්ති සඳහා වාර පරීක්ෂණය පවත්වනු ලබන බව ද කතෝලික පෞද්ගලික පාසල්, සාමාන්යාධිකාරි, ගැමුණු ඩයස් පියතුමා නිවේදනය කරයි.
