පාසල් දරුවන් කිහිපදෙනෙකු සතු ව තිබී ජීව උණ්ඩ තොගයක් සොයාගෙන තිබෙනවා.
පොලිසිය පැවසුවේ මෙම සිදුවීම හසලක -7 ඇළ ප්රදේශයෙන් වාර්තා වන බවයි.
මෙම දරුවන් කිහිපදෙනා ඊයේ (19) නිවෙස් අවට සෙල්ලම් කරමින් සිටින අතරවාරයේ දී ඉන් එක් දරුවෙකුට අදාළ ජීවඋණ්ඩ හමු වී තිබෙනවා.
ඉන් පසු එම දරුවා සිය මිතුරන් අතරේ එම ජීවඋණ්ඩ බෙදා දී ඇති බවයි පොලිසිය සඳහන් කළේ.
එක් දරුවෙක් තමන්ට ලැබුණු ජීව උණ්ඩය නිවසට ගිය පසු ළිපට දමා ඇති අතර එහිදී එය පුපුරා ගොස් තිබෙනවා.
එම සිදුවීමෙන් පසුව නිවැසියන් මේ පිළිබඳව පොලිසියට දැනුම්දීමටයි පියවර ගෙන ඇත්තේ.
පසුව යුද හමුදාව, පොලීසිය සහ සොකෝ නිලධාරීන් පැමිණ පිපිරීම සිදු වූ නිවස පරීක්ෂා කර ඇති අතර එහිදී සිදුකළ ප්රශ්න කිරීම්වල දී ඉහත තොරතුරු අනාවරණය වී තිබෙනවා.
ඒ අනුව අනෙක් දරුවන්ගේ නිවාස ද පරීක්ෂා කර බැලීමේ දී දරුවන් සතුව තිබී මෙම ජීවඋණ්ඩ සොයාගෙන තිබෙනවා.
පළමුවෙන්ම මෙම ජීවඋණ්ඩ හමු වූ දරුවාගෙන් සිදුකළ ප්රශ්න කිරීම්වලදී අනාවරණ වී ඇත්තේ එම දරුවාට එම උණ්ඩ හමු වී ඇත්තේ ඔවුන්ගේ නිවෙස් අසලම පිහිටි තවත් නිවසක දර මඬුවක තිබියදී බවයි.
දරුවන් සතුව තිබී ජීවඋණ්ඩ 30ක් පමණ තිබී සොයාගැනුණා.
ඒ සම්බන්ධයෙන් හසලක පොලීසිය පරීක්ෂණ පවත්වනවා.
