පුවරසන්කුලම් පොලිස් වසමේ, වවුනියාව – මන්නාරම මාර්ගයේ, ධාවනය වෙමින් තිබූ ටිපර් රථයක් රියදුරුට පාලනය කරගත නොහැකිව මාර්ගයෙන් ඉවතට පැන ඊයේ (02) අනතුරක් සිදුව තිබෙනවා.
අනතුරින්, මාර්ගය අසල තිබූ පළතුරු වෙළඳසැලක ගැටුණු ටිපර් රථය, එම වෙළඳසැල අසල රැඳී සිටි පුද්ගලයින් දෙදෙනෙකුගේද ගැටී, ඉදිරියට ඇදී ගොස් ගසක ගැටී ඇති බවයි වාර්තා වන්නේ.
මෙම අනතුරින් එම පුද්ගලයින් දෙදෙනා තුවාල ලබා වවුනියාව රෝහලට ඇතුලත් කර ඇති අතර එහි ප්රථිකාර ලබමින් සිටියදී ඉන් එක් පුද්ගලයෙකු ජීවිතක්ෂයට පත්වී තිබෙනවා.
ජීවිතක්ෂයට පත්වූ පුද්ගලයා වයස අවුරුදු 31 වන පුදියසාලම්බකුලම් ප්රදේශයේ පදිංචිකරුවෙක්.
අදාළ සිද්ධිය සම්බන්ධයෙන් ටිපර් රථයේ රියැදුරු අත්අඩංගුවට ගෙන ඇති අතර පුවරසන්කුලම් පොලිසිය විසින් වැඩිදුර විමර්ශන සිදු කරනු ලබනවා.
