ගමන් කරමින් තිබූ යතුරුපැදිය මාර්ගයේ ගිය සුනඛයෙකුගේ ශරීරයේ ගැටීමෙන් පාලනය කරගත නොහැකි ව ගොස් ඉදිරියෙන් එමින් තිබූ ලොරි රථයක ගැටීමෙන් සිදු වූ හදිසි අනතුරකින් පුද්ගලයෙකු ජීවිතක්ෂයට පත් ව තිබෙනවා.
මෙම අනතුර ඊයේ (03) පස්වරුවේ සිදු ව ඇත්තේ ආණමඩුව – පුත්තලම මාර්ගයේ තෝනිගල ප්රදේශයේ දියි.
ලොරි රථයේ ද ගැටුණු යතුරුපැදිය පදවාගෙන ආ පැදිකරු ජීවිතක්ෂයට පත් ව ඇති බවයි වාර්තා වන්නේ.
ඔහු ව තුවාල ලැබූ විගස රෝහල්ගත කළ ද ජීවිතක්ෂයට පත් වුණා.
අනතුරින් මිය ගොස් ඇත්තේ මහකුඹුක්කඩවල – දංගස්වැව පදිංචිව සිටි අබේරත්න හේරත් මුදියන්සේලාගේ හීන් බණ්ඩා නමැති 69 හැවිරිදි අයෙක්.
මිය ගොස් ඇති අය ආණමඩුව සති පොළට පැමිණ නිවසට අවශ්ය දෑ මිල දී ගෙන ආපසු නිවස බලා යතුරුපැදියෙන් ගමන් කරමින් සිටියදී මෙම අනතුර සිදුවුණා.
ආණමඩුව පොලිසිය වැඩිදුර විමර්ශන සිදු කරනවා.
ලොරි රියදුරු හිරේ 🦮 හින්දා