ජාතික ජන බලවේගයෙන් පාර්ලිමේන්තුවට තේරී පත් වූ මන්ත්රීවරුන්ව පාර්ලිමේන්තු නිරීක්ෂණ චාරිකාවකට එක් කර තිබෙනවා.
හෙටින් (21) ඇරඹෙන 10 වැනි පාර්ලිමේන්තු සභා වාරයේ කටයුතු පහසුකර ගැනීම සඳහා සහ නවක මන්ත්රීවරුන් දැනුම්වත් කිරීම සඳහායි පාර්ලිමේන්තු මහලේකම් කාර්යාලය විසින් මෙම විශේෂ නිරීක්ෂණ චාරිකාව සංවිධානය කර ඇත්තේ.
මේ සඳහා එක්වන ජාතික ජන බලවේගය පක්ෂයේ සියලු ම මන්ත්රීවරුන් අද (20) දහවල් පැලවත්තේ පිහිටි ජාතික ජන බලවේගය පක්ෂ මූලස්ථානය වෙත කැඳවා තිබුණා.
නොවැම්බර් 14 වැනිදා පැවති මහ මැතිවරණයෙන් එම පක්ෂයෙන් අපේක්ෂකයින් 141ක් සහ ජාතික ලැයිස්තුවෙන් 18 දෙනෙක් පාර්ලිමේන්තුවට යාමට වරම් ලැබූ අතර පක්ෂ මූලස්ථානයේ දී ඉදිරි කටයුතු සම්බන්ධයෙන් නවක මන්ත්රීවරුන්ව දැනුවත් කර පසුව ඔවුන්ව පාර්ලිමේන්තු සංකීර්ණයට රැගෙන යාමට පියවර ගැනුණු බවයි දසත වාර්තාකරු සඳහන් කළේ.
පාර්ලිමේන්තුවේ කටයුතු සිදුවන ආකාරය සම්බන්ධයෙන් ඔවුන්ට අවබෝධයක් ලබාදීම මෙම නිරීක්ෂණ චාරිකාවේ ප්රමුඛතම අරමුණයි.
අනිවාර්යයෙන්ම කරන්න ඕන දෙයක්