පාර්ලිමේන්තුව ගිනි තැබු සැකකරු කොටුවෙයි

කේප්ටවුන් හි පිහිටා ඇති දකුණු අප්‍රිකා පාර්ලිමේන්තුවේ ඊයේ හටගත් ගින්න සම්බන්ධයෙන් සැකපිට පුද්ගලයෙකු අත්අඩංගුවට ගෙන තිබෙනවා.

කඩාකප්පල්කාරී ක්‍රියාවක නිරතවීම – සොරකම් කිරීම සහ අනවසර පිවිසීම යන චෝදනා යටතේ ඔහු හෙට අධිකරණයට ඉදිරිපත් කරන බවයි දකුණු අප්‍රිකා ආරක්ෂක අංශ සඳහන් කලේ.

ගින්න මැඩපැවැත්වීමට පැය ගණනක් ගතවී තිබූ අතර මෙමගින් පාර්ලිමේන්තු කටයුතු පවත්වාගෙන යාමට කිසිදු බාධාවක් නොමැති බවයි දකුණු අප්‍රිකා ජනාධිපති සිරිල් රාමෆෝසා සඳහන් කලේ.

මේ දිනවල දකුණු අප්‍රිකා පාර්ලිමේන්තු රැස්වීම් නොපැවැත්වෙන අතර ඊයේ හටගත් ගින්නෙන් කිසිදු ජීවිත හානියක් හෝ තුවාල සිදුවීම් වාර්තා වී තිබුණේ නැහැ.