පාර්ලිමේන්තුවේ තොරතුරු පද්ධති සහ කළමනාකරණ දෙපාර්තමේන්තුවේ සේවිකාවන්ටසිදුවන බව කියන ලිංගික හිරිහැර සම්බන්ධයෙන් විමර්ශනයක් පවත්වන බව කතානායක ජගත් වික්රමරත්න අද (07) පාර්ලිමේන්තුවේ දී දැනුම් දුන්නා.
සමගි ජන බලවේගයේ පාර්ලිමේන්තු මන්ත්රී මුජිබර් රහුමාන් මේ සම්බන්ධයෙන් මතුකළ ප්රශ්නයකට පිළිතුරු දෙමින් කතානායකවරයා මේ බව සඳහන් කළා.
“පාර්ලිමේන්තු මන්ත්රීවරයකු හැටියට මම මේ කාරණය ගැන ඔබතුමාගේ අවදානයට යොමු කරනවා. පාර්ලිමේන්තුවේ වැඩ කරන සේවිකාවන්ට වෙන ලිංගික හිරිහැර පිළිබඳව පසුගිය සති කිහිපයේ ජන මාධ්යවල පළ වුණා. මම හිතනවා මේ සම්බන්ධයෙන් ප්රධාන ලේකම්වරිය යම් යම් ක්රියාමාර්ග අරගෙන තියෙනවා. සමහර අය වැඩ තහනම් කරලා තියෙනවා. සමහර අය විශ්රාම ගන්වලා තියෙනවා.විශේෂයෙන්ම තොරතුරු පද්ධති සහ කළමනාකරණ දෙපාර්තමේන්තුවේ වැඩ කරන කාන්තාවන්ට නිතර නිතර විවිධ හිරිහැර කරන්න එතන ඉන්න බලධාරීන් කටයුතු කරනවා කියන පැමිණිල්ල වාර්තා වෙලා තියෙනවා.”
