පාපන්දු ලෝක කුසලාන ඉතිහාසයේ වැඩිම ගෝල සංඛ්‍යාවක් රැස්කළ ක්‍රීඩකයා බවට පත්වීමට ආර්ජන්ටිනා සුපිරි ක්‍රීඩක ලියොනල් මෙසීට අද හැකියාව ලැබුණා.
ලියොනල් මෙසීට මෙම ඉතිහාසගත වාර්තාව තම නම ඉදිරියේ ලියා ගත්තේ ඇමරිකාවේ ඩලස් ක්‍රීඩාංගණයේ දී ඔස්ට්‍රියාව සමඟ පැවති තරගයේ දී ලබාගත් විශිෂ්ඨ ගෝල දෙකත් සමඟයි.
මෙම තරගයේ දී ගෝල දෙකක් වාර්තා වූ අතර, ආර්ජන්ටිනාව වාර්තා කළ එම ගෝල දෙකේම හිමිකරුවා බවට පත් වුණේ ලියොනල් මෙසීයි.
මෙසී මේ වනවිට පාපන්දු ලෝක කුසලාන හයකට සහභාගී වී ගෝල 17ක් වාර්තා කර සිටිනවා.
මීට පෙර ජර්මනියේ හිටපු සුපිරි ක්‍රීඩක මිරොස්ලාව් ක්ලෝස් පාපන්දු ලෝක කුසලාන ඉතිහාසයේ වැඩිම ගෝල ලාභියන්ගේ
ලැයිස්තුවේ පෙරමුණ ගෙන සිටියේ ගෝල 16ක් වාර්තා කරමින්.
ආර්ජන්ටිනා සුපිරි ක්‍රීඩක ලියොනල් මෙසී මෙම සුවිශේෂී වාර්තාව අතරට පිවිසීමට හැකියාව ලැබුණේ තම 39 වන උපන්දිනයට දිනකට පෙර වීම ද විශේෂතත්වයක්.
