පාන් මිල රුපියල් 100ක් දක්වා අඩු කිරීමට සැලසුම්

පාන් ගෙඩියක මිල රුපියල් 100 දක්වා පහත හෙළීමට බලාපොරොත්තු වන බව සමස්ත ලංකා බේකරි හිමියන්ගේ සංගමයේ සභාපති එන්. කේ. ජයවර්ධන මහතා පවසනවා.

මාධ්‍ය හමුවකට එක්වෙමින් ඔහු පෙන්වා දුන්නේ විවිධ බදු වර්ග සහ ඩොලරයේ අගය හේතුවෙන් බේකරි නිෂ්පාදනවල මිල ඉහළ යාම සිදුවී ඇති බවයි.

තම සංගමයේ එකම බලාපොරොත්තුව පාන් ගෙඩියක මිල රුපියල් 100 හෝ ඊට අඩුවෙන් පවත්වාගෙන යාම බවයි එන්. කේ. ජයවර්ධන මහතා කියාසිටියේ.

සමස්ත ලංකා බේකරි හිමියන්ගේ සංගමය මූලිකත්වයෙන් ඉදිරියේදී රජය සමග සාකච්ඡා කර ග්‍රෑම් 450ක පාන් ගෙඩියක් රුපියල් 100ක පමණ මුදලකට ලබාදීමට කටයුතු කරන බව ඔහු සඳහන් කළා.

බේකරි හිමියන්ගේ සංගමයේ සභාපතිවරයා පෙන්වා දුන්නේ රජය මැදිහත් වන්නේ නම් අනිවාර්යයෙන්ම පාන් ගෙඩියක් රුපියල් සියයක මුදලකට ලබාදීමට සහ බනිස් ගෙඩියකින් රුපියල් 10ක් හෝ 15ක් වැනි මුදලක් අඩු කිරීමට හැකියාව පවතින බවයි.