අද (02) උදෑසන 6.00 පමණ පානදුර ප්‍රධාන බස් නැවතුම ආසන්නයේ දී පෞද්ගලික බස් රථයක් සහ ලංගම බස් රථයක් එකිනෙක ගැටීමෙන් අනතුරක් සිදුව තිබෙනවා.
මෙම අනතුරින් එක් පුද්ගලයෙක් මියගොස් තවත් සිව්දෙනෙකු තුවාල ලබා ඇති බවයි පානදුර දකුණ පොලිසිය සඳහන් කළේ.
තුවාලකරුවන් පානදුර මූලික රෝහලට ඇතුළත් කර ඇති බවයි අප වාර්තාකරු පැවසුවේ.
කොළඹ දෙස සිට පානදුර දෙසට ගමන් ගත පෞද්ගලික බස් රථය පානදුර බස් නැවතුම්පොළ වෙත හැරවීමට උත්සාහ කළ ලංගම බස් රථයක ගැටීමෙන් මෙම අනතුර සිදුව තිබෙනවා.
මියගිය පුද්ගලයා ලංගම බස් රථයේ ගමන් ගත් පුද්ගලයෙක් වන අතර, ඔහු පානදුර ඩිපෝවට අනියුක්තව සේවය කරන බස් කොන්දොස්තරවරක් බවයි වාර්තා වුණේ.
මියගිය පුද්ගලයා අක්කරපත්තුව ප්‍රදේශයේ පදිංචි වයස අවුරුදු 35ක පුද්ගලයෙක්.
අනතුරින් පසු පෞද්ගලික බස් රථයේ රියැදුරු එම ස්ථානයෙන් පළාගොස් ඇති අතර, ඔහු අත්අඩංගුවට ගැනීම සඳහා පානදුර දකුණ පොලිසිය විමර්ශන ආරම්භකර තිබෙනවා.
