ශ්‍රී ලංකාවේ පාකිස්ථාන මහ කොමසාරිස් විශ්‍රාමික මේජර් ජෙනරල් ෆහීම් උල් අසීස් පසුගිය දා නියෝජ්‍ය ආරක්ෂක අමාත්‍ය විශ්‍රාමික මේජර් ජෙනරල් අරුණ ජයසේකර හමු වුණා.
කොළඹ පිහිටි අමාත්‍යවරයාගේ කාර්යාලයේ දී මෙම හමුව සිදු වූ බවයි ආරක්ෂක අමාත්‍යාංශය සඳහන් කළේ.
ශ්‍රී ලංකා ත්‍රිවිධ හමුදාව වත්මන් සහ අනාගත ආරක්ෂක අභියෝගවලට මුහුණදීම සඳහා සූදානම් කිරීම අරමුණු කර ගනිමින් ශ්‍රී ලංකා සන්නද්ධ හමුදාවන්හී පුහුණු අවස්ථා වැඩි දියුණු කිරීම ඇතුළු අන්‍යෝන්‍ය වශයෙන් වැදගත් වන ප්‍රධාන ක්ෂේත්‍ර කිහිපයක් පිළිබඳව පාකිස්ථාන මහ කොමසාරිස්වරයා සහ නියෝජ්‍ය අමාත්‍යවරයා අතර, සාකච්ඡාවක් පැවැත් වුණා.
මෙහිදී පාකිස්තානයේ තාක්‍ෂණික සහාය සහ විශේෂඥ දැනුම හරහා ශ්‍රී ලංකාවේ නීතිය ක්‍රියාත්මක කරන ආයතන විසින් මත්ද්‍රව්‍ය විරෝධී ප්‍රයත්නයන්ට එරෙහිව සටන් කිරීමේ හැකියාවන් වැඩිදියුණු කිරීමේ හැකියාව ගවේෂණය කිරීම මෙන්ම, ත්‍රස්තවාදයට එරෙහි විශේෂඥ දැනුම උපයෝගී කර ගනිමින් සමාජ අනාරක්ෂිතභාවයට එරෙහිව සටන් කිරීමට සහයෝගීව කටයුතු කිරීම වැනි මාතෘකා සාකච්ඡාවට භාජනය වී තිබෙනවා.
එමෙන්ම දෙරට අතර දීර්ඝ කාලීන සහයෝගීතාවය සහ මිත්‍ර සබඳතා පිළිබඳව නියෝජ්‍ය අමාත්‍යවරයා පාකිස්ථාන මහ කොමසාරිස්වරයා වෙත සිය ප්‍රසාදය පළ කරනු ලැබුවා.
අඛණ්ඩ සහයෝගීතාවය සහ හවුල්කාරිත්වය සඳහා දෙරටේ කැපවීම මෙම හමුවේ දී පිළිබිඹු වුණා.
