පාකිස්තාන ක්‍රිකට් කණ්ඩායමේ හිටපු නායක ඉන්සමාම් උල් හක් දෙවැනි වරටත් පාකිස්ථාන ක්‍රිකට් තේරීම් කමිටුවේ සභාපති තනතුරට තේරී පත්ව තිබෙනවා.
පාකිස්ථාන ක්‍රිකට් තේරීම් කමිටු සභාපති ලෙස හරූන් රෂීඩ්, පසුගිය මාසයේ එම තනතුරෙන් ඉවත් වුණා.
ඒ, අනුව පුරප්පාඩුව පැවති තනතුර සඳහා මෙම කිරීම සිදුකර ඇති බවයි ක්‍රීඩා මාධ්‍ය වාර්තා කළේ.
ඉන්සමාම් උල් හක් 2016 සිට 2019 දක්වා කාලය තුළ ප්‍රධාන තේරීම් කමිටු නිලධාරියා ලෙස ද කටයුතු කරනු ලැබුවා.
ඔහු යලිත් එම තනතුරේ වැඩ භාරගැනීමෙන් අනතුරුව ප්‍රථම රාජකාරිය වී ඇත්තේ අගෝස්තු 22 වැනිදා ඇෆ්ගනිස්තානයට එරෙහිව ශ්‍රී ලංකාවේ දී ආරම්භ වන එක්දින තරගාවලිය සඳහා පාකිස්ථාන සංචිතය තෝරා ගැනීමයි.
ඉන් අනතුරව එළඹෙන ආසියානු කුසලානය සඳහා එක්වන සංචිතය ද තෝරා ගැනීම ඔහුට පැවරෙන තවත් රාජකාරියක්.
මෙම සංචිත දෙක අගෝස්තු 10 වැනිදා පැවැත්වෙන මාධ්‍ය හමුවකදී ඉන්සමාම් විසින් ප්‍රකාශයට පත් කිරීමට නියමිත බවයි වාර්තා වුණේ.
