ඉන්දීය ස්වදේශ කටයුතු අමාත්යාංශය විසින් නීතිවිරෝධී ක්රියා වැළැක්වීමේ පනත යටතේ පාකිස්ථානය පදනම් කරගෙන ක්රියාත්මක වන පුද්ගලයන් 23 දෙනෙක් ‘ත්රස්තවාදීන්’ ලෙස අලුතින් නම් කර තිබෙනවා.
ඉන්දියාවේ ජාතික ආරක්ෂාවට තර්ජනයක් වෙමින් විවිධ කඩාකප්පල්කාරී සහ ත්රස්තවාදී ක්රියාවලට සෘජුවම සම්බන්ධ පුද්ගලයන් ඉලක්ක කර ගනිමින් මෙම තීරණය ගෙන ඇති බවයි විදෙස් මාධ්ය වාර්තා වල සඳහන් වන්නේ.
මෙලෙස කළු ලැයිස්තුවට ඇතුළත් කරන ලද පිරිස අතර ලෂ්කර්-ඊ-තායිබා (LeT), ජයිෂ්-ඊ-මොහොමඩ් (JeM) සහ හිස්බුල් මුජාහිඩීන් (HM) වැනි තහනම් ත්රස්තවාදී සංවිධානවල ඉහළ පෙළේ සාමාජිකයන් සහ සම්බන්ධීකාරකවරුන් පිරිසක් සිටිනවා.
ජම්මු-කශ්මීරය ඇතුළු ඉන්දියාවේ විවිධ ප්රදේශවල සිදුවූ දරුණු ගණයේ ත්රස්ත ප්රහාර සැලසුම් කිරීම, ජාත්යන්තර මට්ටමින් අරමුදල් රැස්කිරීම, තරුණයන් ත්රස්තවාදය සඳහා බඳවා ගැනීම සහ දේශසීමා හරහා නීතිවිරෝධී ලෙස අවි ආයුධ සහ මත්ද්රව්ය ප්රවාහනය කිරීම සම්බන්ධයෙන් මොවුන්ට එරෙහිව බරපතළ චෝදනා එල්ල වී තිබෙනවා.
මෙම නීතිමය පියවර ඔස්සේ අදාළ පුද්ගලයන්ට අයත් ඉන්දියාව තුළ පවතින ඕනෑම දේපළක් හෝ මූල්ය වත්කමක් තහනම් කිරීමට සහ රාජසන්තක කිරීමට ආරක්ෂක අංශවලට පූර්ණ බලය හිමිවනවා.
