පාකිස්ථාන ක්‍රිකට් කණ්ඩායමේ දඟපන්දු පුහුණුකරු ලෙස හිටපු දඟපන්දු යවන ක්‍රීඩක සයීඩ් අජ්මාල් පත්කර තිබෙනවා.
මෙම පත් කිරීම සම්බන්ධයෙන් සයීඩ් අජ්මාල් අදහස් දක්වමින් පැවසුවේ මෙවැන්නක්,
“PBC කළමනාකරණ කමිටුවේ සභාපති සාකා අෂ්රෆ් මහතා දඟපන්දු යැවීමේ පුහුණුකරු ලෙස සේවය කිරීමට ලබාදුන් අවස්ථාව පිළිබඳව මම සැබවින්ම ගෞරවයට හා කෘතඥ වෙනවා. පකිස්ථාන ජාතික කණ්ඩායම තුළ දඟ පන්දු යැවීමේ දක්ෂතා වර්ධනය කිරීමට දායක වීමට ලැබීම ගැන මම සතුටු වෙනවා. මම විශ්වාස කරනවා. මගේ වෘත්තීය සහ පුහුණු අත්දැකීම් කණ්ඩායමේ දඟ පන්දු යැවීමේ අවි ගබඩාව වැඩි දියුණු කිරීමට උපකාරී වෙතැයි සිතනවා.”
මේ අතර පාකිස්ථාන කණ්ඩායමේ වේගපන්දු පුහුණුකරු ලෙස පාකිස්ථාන හිටපු ක්‍රීඩක උමාර් ගුල් පත් කරනු ලැබුවා.
ඒ, මීට පෙර එම තනතුරේ කටයුතු කළ දකුණු අප්‍රිකානු හිටපු වේගපන්දු යවන ක්‍රීඩක මෝර්න් මෝකල් එම තනතුරෙන් ඉවත්වීමත් සමඟයි.
උමාර් ගුල් මීට පෙර 2022 ICC පිරිමි T20 ක්‍රිකට් ලෝක කුසලානයේ දී ඇෆ්ගනිස්ථාන කණ්ඩායමේ වේග පන්දු යැවීමේ පුහුණුකරු ලෙස ද කටයුතු කළා.
එක්දින ලෝක කුසලාන තරගාවලිය තුළ පාකිස්ථාන කණ්ඩායම ප්‍රමාණවත් දක්ෂතා අතරට නොපැමිණීමත් සමඟ එම කණ්ඩායමේ නායකත්වය ඇතුළු වෙනස්කම් රැසක් සිදුකිරීමටයි කටයුතු කළේ.
