පාකිස්තාන ගුවන් ප්‍රහාරයෙන් දිවි අහිමි වූ ඇෆ්ගන් වැසියන් සිහි කෙරේ

පෙබරවාරි 22 වැනිදා පකිස්ථානය විසින් එල්ල කරන ලද ගුවන් ප්‍රහාරවලින් මියගිය ගම්වැසියන් සමූහ මිනී වලක භූමදාන කිරීමට ඇෆ්ගනිස්ථානුවන් පියවර ගත්තා.

ප්‍රහාරවලින් ළමුන් ඇතුළු අවම වශයෙන් පුද්ගලයින් 18 දෙනෙකු මිය ගිය බව ඇෆ්ගනිස්ථානය පැවසූ අතර, ඔක්තෝබර් මාසයේ දේශසීමා ගැටුම්වලින් පසු දෙපාර්ශ්වයේම 70 කට වැඩි පිරිසක් මිය ගොස් සිය ගණනක් තුවාල ලබා ඇතැයි සඳහන්.

පකිස්ථානයේ සිදු වූ මරාගෙන මැරෙන බෝම්බ ප්‍රහාරවලට ප්‍රතිචාර වශයෙන් ඇෆ්ගනිස්ථානය පදනම් කරගත් සටන්කාමී කණ්ඩායම් ඉලක්ක කර ගනිමින් දේශසීමා කලාපයේ ස්ථාන හතකට පහර දුන් බව ඉස්ලාමාබාද් පැවසුවා.

පකිස්ථාන ආරක්ෂක මූලාශ්‍රයක් පෙබරවාරි 22 වන දින පැවසුවේ ප්‍රහාරවලින් “80 කට වැඩි” සටන්කාමීන් මිය ගිය බවත්, මරණ සංඛ්‍යාව ඉහළ යනු ඇතැයි අපේක්ෂා කරන බවයි.

කෙසේ වෙතත් තලේබාන් ආණ්ඩුව නිවේදනය කළේ පාකිස්තාන හමුදා සිවිල් වැසියන් ඉලක්ක කර ප්‍රහාර එල්ල කළ බවයි.

පකිස්ථාන ප්‍රහාරවලට “සුදුසු සහ ගණනය කළ ප්‍රතිචාරයක්” ලබා දෙන බව ඇෆ්ගනිස්ථාන ආරක්ෂක අමාත්‍යාංශය පැවසුවා.