පාකිස්තානයට එරෙහිව පැවැත්වෙන දෙවැනි ටෙස්ට් තරගාවලියේ ජයග්රහණය සඳහා එංගලන්ත කණ්ඩායම තවත් ලකුණු 242ක් ලබාගත යුතු වනවා.
මෙම තරගයේ සිව්වැනි දිනය මේ වනවිට (18) මුල්තාන් නුවර දී ආරම්භ වී ඇති අතර දෙවැනි ඉනිම වෙනුවෙන් පන්දුවට පහරදෙමින් සිටින එංගලන්ත කණ්ඩායම කඩුලු 04ක් දැවී ලකුණු 55ක් ලබා සිටිනවා.
තරගයේ කාසියේ වාසිය දිනූ පාකිස්තාන නායක ෂාන් මසූඩ් පළමුව පිතිකරණය තෝරාගත්තා.
ඔවුන් සිය පළමු ඉනිම වෙනුවෙන් සියල්ලන් ම දැවී රැස් කළ ලකුණු සංඛ්යාව 366ක්.
එහිදී කම්රරන් ගුලාම් ලකුණු 118ක් සහ සයිම් අයුබ් ලකුණු 77ක් රැස් කරගත්තා.
කඩුලු බිඳ දැමීමේ දී ජැක් ලීච්ගෙන් කඩුලු 04ක් ද, බ්රයිඩන් කාර්ස් කඩුලු 03ක් ද, පොට්ස් කඩුලු 02ක් සහ බෂීර්ගෙන් එක් කඩුල්ලක් ද හිමිවුණා.
ඉන් අනතුරුව සිය පළමු ඉනිම ඇරඹූ එංගලන්ත කණ්ඩායම සියලු දෙනා රැස් කළේ ලකුණු 291ක් පමණයි.
එංගලන්තයට වඩා ලකුණු 75කින් සිය පළමු ඉනිමෙන් ඉදිරියේ සිටිමින් පාකිස්තානය සිය දෙවැනි ඉනිමට පිතිකරණය ඇරඹූ අතර ඔවුන් සියලුදෙනා ලකුණු 221ක් ලබා සිටියදී දවාගන්නට එංගලන්තය සමත් වුණා.
ඒ අනුව එංගලන්තයට පාකිස්තානය පැරදවීමට හිමි වූ ඉලක්කය ලකුණු 298ක්.
අද තරගයේ පස්වැනි කඩුල්ල වෙනුවෙන් පිටියේ රැඳී සිටින්නේ හැරී බෘක් සමගින් ස්ටොක්ස්.
