බලුකිස්තාන් සිවිල් ක්රියාකාරීන්ගේ විරෝධතාවකට එල්ල වූ ආරක්ෂක අංශ ප්රහාරයකින් අවම වශයෙන් පුද්ගලයින් තිදෙනෙක් ජීවිතක්ෂයට පත්ව තවත් බොහෝ පිරිසක් තුවාල ලබා ඇතැයි පාකිස්තාන මාධ්ය වාර්තා කරනවා.
ග්වාදර් ජනතාව මෙලෙස විරෝධතාවයේ නිරත වන්නේ බලුච් සහ පස්තුන් ජාතිකයන්ට මධ්යම ආණ්ඩුවෙන් සිදු කරන පහත් කොට සැලකීම්වලට එරෙහිව යි.
පානීය ජල ගැටලු ඇතුළු අර්බුද රැසකින් පීඩා විඳින තමන් කෙරෙහි ආණ්ඩුවේ කිසිදු අවධානයක් යොමු නොවන බව විරෝධතාකරුවන් පවසනවා.
ජනතාව විසුරුවා හැරීමට බලධාරීන් කඳුළු ගෑස් ප්රහාරයක් එල්ල කිරීමෙන් පසු ඇති වූ ගැටුම්වල දී මෙම ජීවිත හානි සිදු ව තිබෙනවා.
එහිදී පුද්ගලයින් 20 දෙනෙකු අත්අඩංගුවට ගෙන ඇතැයි ද සඳහන්.
මේ අතර බලුකිස්තාන් විශ්ව විද්යාලය ඉදිරිපිට සත්යග්රහයක නිරත වූ කාන්තාවන් ඇතුළු 50 දෙනෙක් ආරක්ෂක අංශ බලහත්කාරයෙන් පැහැර ගෙන ගොස් ඇතැයි බලුච් ක්රියාකාරීන් චෝදනා කරනවා.
