චිත්‍රපට නිෂ්පාදනයේ දී අරාබි රටවල් සහ ඉන්දියාව අතර සහයෝගීතාවයට විශාල අවස්ථාවක් පවතින බව ඉන්දීය රංගන ශිල්පිනී ප්‍රියංකා චොප්රා පවසනවා.
ඇය මේ බව කියා සිටියේ සෞදි අරාබියේ ජෙඩා හි පැවති 4 වැනි රතු මුහුද ජාත්‍යන්තර සිනමා උලෙළේ ‘ගෞරව සම්මානය’ පිළිගැනීමෙන් අනතුරුව අදහස් දක්වමින්.
මෙම සම්මානය ඇයට පිරිනමා ඇත්තේ සුප්‍රසිද්ධ හොලිවුඩ් නිළි සාරා ජෙසිකා පාකර් විසිනි.
ප්‍රියංකා චොප්රා සිය ස්තුති කතාවේ දී පැවසුවේ රතු මුහුද ජාත්‍යන්තර සිනමා උලෙළ සිනමා සහෝදරත්වයේ නව නිවහන බවට පත්වෙමින් පවතින බවයි.
තම නිෂ්පාදන ආයතනය මගින් චිත්‍රපට සම-නිෂ්පාදනය කිරීමේ සැලසුම් ළඟදීම ප්‍රකාශයට පත් කරන බව ද ප්‍රියංකා මෙහිදී අනාවරණ කළා.
